Friedrich Schelling

Da Friedrich Schelling, aa Friedrich Wilhelm Joseph Ritter von Schelling (* 27. Jenna 1775 z Leonberg; † 20. August 1854 z Bad Ragaz) wor a deitscha Philosoph und oana vo de Haptvatreta vom Deitschn Idealismus. Anno 1812 is a geadlt worn.

De Philosophie vom Schelling hod vui Philosophn und Natuawissnschafta beeinflusst, wia beispuisweis in Hegel, in Nishida und vor oim aa in Martin Heidegger. In Enland hod a unta andam afn Dichda und Literatuakritika Samuel Taylor Coleridge gwiakt. Da Jürgen Habermas hod sei Dissertation iba de Philosophie vom Schelling gschriebm. Da Alexander vo Humboldt (1769–1859) hod im Schelling System sei Denkn bstetigt gfundn. Im 20. Joarhundat hom de Orbatn vom Schelling an Einfluss af de theoretische Chemie ghobt (z. B. Hermann Hartmann, 1914–1984).